Topaketa ekainaren 5ean, osteguna, egingo da INNOBAK Beurko egoitzan, Inguraldek eta CECOBI – Bizkaiko Merkataritzako Enpresarien Konfederazioak antolatuta, eta Bizkaia Mikro foru sozietatearen mikrofinantzaketa publikoa izango du ardatz. Finantzaketa mota hau Bizkaiko mikroenpresei soilik zuzenduta dago, eta ekimen honi esker 50.000 eurorainoko mikrokredituak eskura ditzakete komisiorik eta abal pertsonalik gabe.
Datorren ostegunean, ekainaren 5ean, informazio-jardunaldi bat egingo da Barakaldon, Inguraldek antolatuta, CECOBI – Bizkaiko Merkataritzako Enpresarien Konfederazioarekin lankidetzan, udalerriko mikro enpresek Bizkaiko abalik gabeko finantzaketa publikoa eskura dezaten. Bizkaia Mikro – Bizkaiko Foru Aldundiko Enplegu, Gizarte Kohesio eta Berdintasun Sailari atxikitako sozietateari buruzko topaketa INNOBAK Beurkoko Areto Nagusian izango da, 14:30etik 16:00etara.
«Finantzaketa hau interesgarria da edozein mikroenpresarentzat, enpresa-proiektuak sendotzen laguntzeaz gain, berrikuntzan edo enpresa-hazkundean inbertsioak egiteko ere erabil daitekeelako», adierazi du David Solla Inguraldeko presidenteak. «Gainera, finantzaketa zirkularra eta garapen iraunkorra sustatzeko modu bat da, mailegu bakoitzak beste mikroETE batzuetan bultzada berri bat duelako», ziurtatu du.
Finantzaketa mikroenpresentzat da bereziki – 1 eta 10 langile bitartekoentzat –, eta aukera ematen zaie 50.000 eurorainoko maileguak eskuratzeko, abal pertsonalik eta komisiorik gabe. Emakumeek, gazteek, 45 urtetik gorakoek eta gizarte-bazterkeriako egoeran edo luzaroko langabezian dauden pertsonek gidatutako proiektuei ematen die lehentasuna.
Ordu eta erdiko iraupena duen topaketan, Bizkaia Mikroren funtzionamenduari, mikromaileguaren onurei eta finantzaketa lortzeko baldintzei, I+G inbertsioetan erabiltzeko gomendioei edo enpresa-hazkundeari buruzko informazioa emango da. Gainera, kasu arrakastatsuak aurkeztuko dira eta urratsez urratseko eskaera-prozesua azalduko da, izapideak egiteko aholku praktikoekin.
Parte hartu nahi duten mikroenpresek izena eman behar dute inprimaki digitala honen bidez. Inguraldek gogorarazi du finantzaketa hori enpresentzat dela soilik, ez dagoela autonomo gisa jarduten duten pertsonei zuzenduta.
