Mikel Torres Lehendakariordea eta Ekonomia, Lan eta Enplegu sailburua Leioako Campuseko Ostalaritza Eskolan izan da, gaur, astelehena. Han, bertatik bertara ezagutu ahal izan ditu zamalanetako instalazioak, sukaldeak eta beste hainbat gela. Gainera, eskolako arduradunen azalpenen bitartez, eskolako egunerokoaren berri izan du, eta ikastetxe horretan prestatzen diren ikasleen prestakuntza eta espezializazio esperientziak entzun ditu.
«Lanbideren ikastaroen aldeko apustua egin duten gizon-emakumeak espezialitate hori eskuratu behar duten ezagutza guztien aplikazio praktikoa eta irakaskuntza integrala jasotzen ari direla egiaztatu ahal izan dugu», adierazi du Torresek. «Baina, batez ere, garrantzitsuena da barneratzen ari diren ezagutza horien bidez lan-merkatuan hobeto txertatu ahal izatea, adibidez, profesionaltasun-ziurtagiri baten bidez», azpimarratu du lehendakariordeak.
Bisitan izan dira, halaber, Alfonso Gurpegui Enplegu eta Inklusio sailburuordea, Jon Labaka Lanbide Heziketako sailburuordea eta Francisco Pedraza Lanbideko zuzendari nagusia. Azken horrek Lanbide – Euskal Enplegu Zerbitzuak antolatzen dituen ikastaroen berri eman du. «Leioako Campuseko Ostalaritza Eskolak hezkuntza-eredu bikaina du, eta gaitasun handia du parte-hartzaileak eskolako egunerokoan inplikatzeko», amaitu du Ekonomia, Lan eta Enpleguko sailburuak.
