Nafarroako Gobernuak 2025ean 635.000 euro bideratuko ditu laneratzeko zailtasun bereziak dituzten pertsonak kontratatzea sustatzeko; hala nola, gazteen berme-sisteman izena emanda dauden 30 urtetik beherako gazteak, 55 urtetik gorakoak, iraupen luzeko langabeak, migratzaileak, desgaitasuna duten pertsonak, baztertzeko arriskuan daudenak, bermatutako errenta jasotzen dutenak eta emakumeak. Kasu honetan, gainera, arreta berezia eskainiko zaio enplegu zientifiko-teknikoetan sartzeari (STEM postuak).
