Ertzainek gizon bat atxilotu zuten atzo Andoainen (Gipuzkoa), substantzia sorgorgarriekin trafikatzea leporatuta. Atxilotuari 50 gramo speed, doitasun-balantza bat eta billetetan 270 euro atzeman zizkioten.
Atzo, astelehena, goizeko bederatzi eta erdietan, pertsona batek Ertzaintzari jakitera eman zion gizon bat Andoaingo industrialde bateko pabiloi bateko atea jotzen ari zela.
Bertaratu zen patruila kanpoan zegoen gizonarekin, pabiloiaren errentatzailearekin, harremanetan jarri zen. Honek agenteei esan zien errentaria barruan zegoela eta aspaldi utzita behar zuela pabiloia.
Patruilak bi alderdiak identifikatu zituen eta pabiloia miatu zuen, eta bulegoetan substantzia zuri bat zuen poltsa bat aurkitu zuen. Substantzia anfetamina-sulfatoa edo speeda zen, guztira 50 gramo ziren, eta horrekin batera doitasun-balantza bat eta billetetan 270 euro zeuden.
Ebidentzia horien aurrean, agenteek errentaria atxilotu zuten, droga berea zela egiaztatu ondoren. Atxilotua, espainiar nazionalitateko 38 urteko gizona, polizia-aurrekariak dituena, Ertzaintzaren egoitzara eraman zuten zegozkion polizia-eginbideak betetzera. Horiek amaitu ondoren, aske utzi zuten, eta agintaritza judizialak eskatzen dionean agertu beharko du.
