Datorren astelehenean, otsailaren 16an, irekiko da Barakaldoko Udaleko Gizarte Ekintza Sailak 2026. urterako izapidetutako Laguntza Ekonomikoak eskatzeko hitzordu presentzial bat erreserbatzeko epea.
Eskaerak aurkezteko hitzordu presentzialen lehen eguna otsailaren 24a izango da, asteartea. Egun horretatik aurrera, laguntza-eskabideak egoitza elektronikoan eta auzoetan banatutako bulego elektronikoetan ere aurkeztu ahal izango dira (baita Gizarte Ekintzako eraikinean eta Inguralden ere). Aurrez aurreko hitzordua erreserbatzeko modua honako hau izango da:
– Lehenengo egunak: telefono bidez soilik, ondoren adierazten diren zenbakien bidez: 010 zenbakira edo 944 789 301 zenbakira deituta.
– Gainera, hitzordua otsailaren 24tik aurrera eskatu ahal izango da, aurrez aurre, oinarrizko gizarte-zerbitzuetan.
Aurreko urteetan bezala, bai HAZen, bai Zaballa kaleko 3 bis zenbakian dagoen Gizarte Zerbitzuen Eraikinean, gizarte-laguntzei buruzko informazio-orri bat eskainiko da: aurkeztu beharreko dokumentazioa, baldintzak, diruz laguntzen diren gastuak eta abar, bai eta eskabideak aurrez aurre aurkezteko moduari buruzko informazioa ere, egoitzaren eta bulego elektronikoen bidez. Aurten dokumentua berrikusi da, bertan dagoen informazioa erraza eta eskuragarria izan dadin.
