Nafarroako Gobernuko lehen lehendakariorde eta Lehendakaritzako eta Berdintasuneko kontseilari eta NASERTICeko presidente Javier Remirezek sozietate publiko horren Nekazaritzako Elikagaien eta Toxikologia Forentsearen Laborategia bisitatu du gaur, Atarrabian. Instalazio horiek 50.000 lagin inguru prozesatzen dituzte urtean, eta zerbitzu espezializatuak ematen dituzte hainbat arlotan, hala nola elikagaien segurtasunean, ingurumenaren kontrolean, toxikologian eta ikerketa genetiko eta forentsean.
