Hondartzak, Euskara batzordeak
Tokiko Gobernu Batzarrak apirilaren 21ean gai hauek onartu ditu:
Hondartzak
Tokiko Gobernu Batzarrak onartu du hiriko hondartzetan eguzkitakoak, aulkiak eta etzaulkiak alokatzeko abonatuei arreta emateko zerbitzuaren kontratazio-espedientea, 705.039 euroko aurrekontuarekin eta bi urteko egikaritze-epearekin, hiru luzapen posiblerekin (bakoitza gehienez urtebetekoa).
Kontratuaren xedea da Kontxa, Ondarreta eta Zurriola hondartzetan honako zerbitzu publiko hauek ematea, ingurumena errespetatuz:
- Denboraldiko abonatuei arreta ematea (olanak, eguzkitakoak eta karpak).
- Hondartzetan instalatutako elementuak eta altzariak, garraioa barne, muntatzeko, desmuntatzeko, mantentzeko, kontserbatzeko eta biltegiratzeko lanak egitea.
- Olanak, aulkiak eta etzaulkiak egunero alokatzeko zerbitzuak ematea eta kudeatzea: Ondarretan karpak, eguzkitakoak eta olanak; Kontxan toldoak eta aulkiak; eta Zurriolan etzaulkiak (aukerako eguzkitakoak) eta olanak.
Euskara batzordeak
Tokiko Gobernu Batzarrak onartu du BAGERA DONOSTIAKO EUSKALTZALEEN ELKARTEA lizitatzaileari esleitzea Donostiako auzoetako euskara batzordeak sortu, koordinatu eta dinamizatzeko zerbitzuaren kontratua. Kontratuaren hasierako iraupena 2 urtekoa izango da, eta urteko gehieneko aurrekontua 41.150 eurokoa.
Auzoetako euskara batzordeei, zerbitzu honen bitartez, ondoko gaietan laguntza eta aholkularitza emango zaie: egoera soziolingustikoaren auzoko diagnostikoa egiten, Donostiako Euskararen Plan Orokorraren irizpideak eta auzoaren ezaugarriak kontuan edukiz euskararen erabilera indartzeko auzoko plan integrala diseinatzen, auzoko eragileekin harremanak lantzeko bilerak eta topaketak egiten, ekintzak eta jarduerak antolatzen, beste auzoetako euskara batzordeekin harremantzen eta, oro har, funtzionamendurako beharrezko laguntza eskaintzen.
Donostiako auzoetako euskara batzordeak bolondresez osatuak daudenez, eta batzorde horien egitekoetako bat Donostiako Euskararen Plan Orokorraren baitan sortzen diren ekintzak eta jarduerak auzo mailan aurrera eramatea denez, funtzionamendua hobetzeko beharrezkoa da dinamizatzaile baten figura.
