Osasun Departamentuak aurrera jarraitzen du Osasunari buruzko Foru Legearen aurreproiektuaren tramitazioarekin. Gaur goizean, Toki Araubideko Foru Batzordea osatzen duten erakundeek, Oscar Chivite Lurralde Kohesiorako kontseilaria buru dela, argi berdea eman diote Antonio Lopez Osasun zuzendari nagusiak aurkeztutako testuari. Orain, Osasun Departamentuak kontsulta eginen die departamentu guztietako idazkari nagusi teknikoei, Lehendakaritza eta Berdintasun Departamentuko Koordinazio eta Arau Ekintzako Atalera bidaliko du testua, hark balora dezan, eta, gero, Nafarroako Kontseilura bidaliko du. Kontseiluaren oniritzia lortu ondoren, gobernu bilkuran tramitatuko da, eta Nafarroako Parlamentuan erregistratuko da eztabaida eta bozketa egiteko.
