Nafarroako Parlamentuak Artxiboei, Dokumentuen Kudeaketari eta Dokumentu Ondareari buruzko Foru Lege berriaren testua onartu du ostegun honetan, aldeko 48 botorekin. Joan den asteartean proiektuaren aurkezpenean Rebeca Esnaola Kultura, Kirol eta Turismoko kontseilariak nabarmendu zuenez, arau horrek “administrazio eraginkorragoa, gardentasun handiagoa, dokumentu-ondarea hobeto babestea, informazioa berdintasunez eskuratzea eta eraldaketa digitalerako oinarri sendoa ahalbidetuko ditu”.
