Nafarroako Gobernuak gaur goizean bertan igorri dizkio Fiskaltzari joan den astean Valtierrako alkateak ustez gorrotoa izateagatik egindako adierazpenak, adierazpen horiek “gorrotoa, diskriminazioa eta indarkeria eragiten eta bultzatzen dutela” iritzita, Begoña Alfaro hirugarren lehendakariorde eta Etxebizitzako, Gazteriako eta Migrazio Politiketako kontseilariak gaur adierazi duen bezala. Neurria Exekutiboak egindako balorazio juridikoetan oinarrituta hartu da. Balorazio horietan ondorioztatzen da Manuel Resa Condek egindako baieztapen askok gorroto-delitua eragin dezaketela, Zigor Kodearen 510.1 artikuluan jasotako gorroto-diskurtsoaren modalitatean.
