Nafarroako Gobernuko Kultura, Kirol eta Turismo Departamentuak bultzaturiko ‘Sardetik sardeskara’ proiektuak aurrera jarraitzen du nekazaritzako elikagaien ekoizleen eta ostalaritzako establezimenduen arteko lotura indartzeko helburuarekin.
Ekimenak Nafarroako 60 ekoizle eta ostalaritzako ia 50 establezimendu baditu jada, eta orain hazkunde- eta ikusgarritasun-etapa berri bati emango dio hasiera, eragile berriekin, sustapen-material berrien garapenarekin eta bi sektoreen arteko lankidetza finkatzera bideratutako topaketa profesional batekin. Hazkundeari esker, sinergia egonkorrak eta lurraldearentzat garapen ekonomikoko aukerak sortu nahi dituen proposamenaren irismena handitu ahal izango da.
