- Arkautek aire zabaleko praktikak bertan behera utzi ditu, klimatizatutako ikasgeletako prestakuntza berrantolatu du eta ikasleek aste honetan ez dute gaua akademian emango.
Polizia eta Larrialdietako Euskal Akademiak prebentzio-neurri batzuk hartu ditu aste honetan, ikasleak, langileak eta erabiltzaileak aurreikusitako tenperatura altuetatik babesteko.
Adostutako neurrien artean, Akademiak aste osoan zehar bertan behera utzi ditu aire zabalean egiten diren prestakuntza-jarduerak. Horren ordez, ordutegiak berrantolatu dira, denbora hori ikasgai teorikoagoei eskaintzeko, dagoeneko klimatizatuta dauden ikasgeletan ematen direnak. Bertan behera utzitako jarduerak, batez ere, teknika polizialari, gidatzeari eta kanpoko espazioetan egin ohi diren beste praktika batzuei dagozkie.
Era berean, aste honetan Udaltzaingoko bitarteko ikasleei zuzendutako eskolak bertan behera utzi dira, aire zabalean egiten den prestakuntza baita.
Hartutako beste erabakietako bat da aste honetan zehar ikasleek ez dutela Arkauteko instalazioetan lo egingo, logeletan izan daitezkeen tenperatura altuak kontuan hartuta. Egoera horri aste honetan bertan helduko zaio, logeletako gune guztietan klimatizagailu eramangarriak instalatuz, uda honetan tenperatura altuko gertakari berriei aurre egin ahal izateko. Alde horretatik, Akademiak aurreikusita ditu jada egiturazko lanak, barnetegian klimatizazioa hobetzeko.
Gainera, Akademiak aterpetxe klimatikoen inbentarioa egin du bere instalazioen barruan, ikasleek eta langileek klimatizatu gabeko eremuen alternatiba gisa erabil ditzaten.
