Barakaldoko Udaleko Garapen Jasangarriaren eta Ingurune Naturalaren Arloak Greenpower Hiri Zirkuituaren edizio berri bat iragarri du, datorren ekainaren 14an hirira itzuliko dena. Ekimena Bizkaitik Estatu mailan sustatutako Greenpower Iberia zirkuituaren parte
Alorreko zinegotzi delegatu Alba Delgadok azpimarratu du oso garrantzitsua dela horrelako ekimenak hartzea, «iraunkortasuna, berrikuntza eta hezkuntza uztartzen dituztenak, ikasleek beraiek garatutako ibilgailu elektrikoen diseinuaren, eraikuntzaren eta lehiaketaren bidez, gero gaur aurkezten dugun bezalako zirkuituetan probatzen dutenak».
Halaber, Barakaldon finkatutako proiektua dela adierazi du, «herritarrak trantsizio ekologikoaren eta mugikortasun iraunkorraren inguruan sentsibilizatzen laguntzen duena, bereziki belaunaldi berrien artean». Gainera, STEM hezkuntzan gazteenen interesa piztu nahi du, talde-lana, ekintzailetza eta garraioaren bidez ingurumena zaintzearen garrantzia bezalako balioak sustatuz.
Herriko Plazak Greenpower Hiri Zirkuituaren edizio berri bat hartuko du datorren ekainaren 14an, 10:00etatik 14:00etara. Baraka Mugi Taldeak parte hartuko du proban, Larrea eta Mukusuluba ikastetxeekin. Ikastetxe horien taldeak 9 eta 11 urte bitarteko Lehen Hezkuntzako haurrentzat gordetako Goblins kategorian lehiatuko dira.
Bizkaiko eta Arabako 7 ikastetxetako 14 talde elkartuko dira guztira.
F24 kategoriako probak
Bestalde, Alba Delgadok gogorarazi du joan den maiatzaren 6an Mugi Baraka Taldeko taldeek, CIFP Barakaldo LHIIko, Minas BHIko eta Gurutzeta BHIko ikasleek osatutakoak, beren ibilgailu elektrikoarekin parte hartu zutela Los Arcosen (Nafarroa) egindako Greenpower zirkuituko proba batean, F24 kategorian.
Zinegotziak nabarmendu duenez, CIFP Barakaldo LHIIk eta IES Minas BHIk Barakaldo ordezkatuko dute berriz ere datorren ekainaren 18an As Pontesen (Galizia) egingo den txapelketan.
